შემოდგომის ერთ თბილ დღეს ჩვენი კლასი სახვითი ხელოვნების მასწალებელთან ერთად გაეშურა ღია ცის ქვეშ მდებარე ეტნოგრაფიული მუზეუმისაკენ. მუზეუმში გატარებულმა დრომ ჩვენ საშუალება მოგვცა ჩავღრმავებოდით ქართულ ისტორიას და კულტურას, უკეთ შეგვეცნო ჩვენი სამშობლოს ყოველი კუთხის თვითმყოფადობა. მართლაც გაგვანცვიფრა იმ თიხის და კერამიკული ნაკეთობების სიუხვემ, რომლებსაც ჩვენი წინაპრები იყენებდნენ ყოფაცხოვრებაში. ჩვენ გაგვიჩნდა დიდი სურვილი უფრო ღრმად გავცნობოდით თემას თიხის ნაკეთობის შესახებ და გაგვეგრძელებინა მასზე მუშაობა. ამ მიზნით ჩვენ დავგეგმეთ ხელოვნების გაკვეთილი საქართველოს სახელმწიფო მუზეუმში.
რამოდენიმე დღის შემდეგ ჩვენი გეგმები ძირფესვიანად შეიცვალა.
გაგვიჩნდა შესანიშნავი შანსი მთლიანად ჩავძირულიყავით თიხის და კერამიკის სამყაროში.
2008 წლის დეკემბერში ჩვენ ჩავერთეთ პროექტში „თიხა და თიხის ნაკეთობები„
მოცემული პროექტის განხილვის პროცესში ჩვენ შევადგინეთ სამუშაო გეგმა და ღონისძიებათა სქემა.